LA FILOSOFÍA NUN SE DEBE ESQUEIZAR.
La filosofía anque está mui esqueicida, ye mui esencial pa
pescudar las características universales que tiene la realidá. Reflexonar sobre
los procesos que suceden, cumo nos afectan y qué causas tienen.
Asina, nun nos deixamos enratar colos muchísimos estímulos
que recibimos, que nos puedan despistar.
Esta gran cantidá d’estímulos facen que nos enrudiemos nas
formas, nas particularidades, y nun miremos profundamente, cumo ye la materia,
las características universales de las cousas, sus procesos y evolución.
A parte, de saber que ye’l materialismu dialécticu, quicias
seya tan importante ou más, que ye profundizar nel idealismu que pervive y que
domina.
A parte de las relixones que siguen existiendo, con
predominancia de la católica, cumo historicamente, relixón d’Estau con tanta y
tanta represión efectuada. Anguañu, l’idealismu predominante ye’l laicu que se
siente nos medios de propaganda, onde ensiña a la pobración una interpretación
de la tecnoloxía, de la ciencia cumo si fuera mitoloxía, nun se diz cumo
furrula los aparatos, casi nun se cuenta cumo evoluciona el sistema solar y l’universu,
y de que xeitu, el tiempu nun corre igual para un oxetu que va a la velocidá de
la lluz, qu’outro que lo oserva a distancia. La materia muda de diferiente
forma en relación al tiempu y a espaciu que recorre.
L’idealismu va apelechándose según va cayendo descubrimientos
científicos qu’al usarse na tecnoloxía, escachan las visiones que continuamente
perdican. Por eso nel idealismu, anque hai dalgunos que van escontra’l progresu
científicu, outros muchos, la mayoría van mudándose nel sou discursu, según l’evidencia
científica que s’amostra socialmente.
Comentários