CUMO DEPRENDEMOS DE LA VIDA.

Na interpretación histórica ye bien de cudiau cumo’l idealismu que fomenta’l sentimiento conspiranoide, y tolas figuraciones confabulativas, qu’apañan retales de la historia, enfocándolu casi siempre contra la xenofobia, outro efectu del idealismu, que sigue desendolcándose, y revisándose.

Asina, se véi cumo la filosofía idealista, va mudando de nome, tentando siempre macear escontra las afirmaciones científicas que l’acoquina cadavé más a la cuestión más existencialista y al que’l individuo que tiene más miedu, la muerte, el sentíu de la vida y que puede haber más acullá, después de la fin.

Neste tema, el materialismu dialecticu da una definición de la vida, pouco agradable particularmente, porque universalmente nun hai retólica nenguna, pos la humanidá seguirá na sua vida y evolución, pero no personal, l’espíritu vive gracias y en dependencia de lo material, cuando la materia debido al tiempo ou outros factores, queida ensin vida propia, qué pasa col espíritu, ¿esfúngase?

Si ye asina, qué sentíu tien la vida propia, y peor el sofrimientu, si nun hai nada que pueda depués de la muerte, beneficiar a unu.

Nesto, na biblia hai un llibru de lo meyorcicu, que quier dar unas salutaciones bien craras y senciellas sobre’l sentíu de la vida y el dolor. Esi ye, recomiéndotelo, la fábula de Job, pese a que tolo enfoca mirando a Dious, pos esti ponle pruebas continuamente mediante diferientes padecimientos, pa comprobar y amostrar al dengue que Job ye un home de bien, santu y devotu, a pesar de los pesares. Cumo llibru clerical, nun sabe ofrecer más salutaciones que el de que Dious beneficia y premia a los sous files económicamente con ganau, fiyos, posesiones na mesma vida, non na muerte.

Cumo sabemos, la vida ye mui chamaruga, y fácenos deprender que los buenos nun son ricos, que nadie fáse ricu amando a Dious, y esto yá lo tenía bien craru el Decamerón, El Lazarillo de Tormes, Jorge Manrique y tanto outros.

Ante las consiguientes bofetadas que da la vida, la relixón (l’idealismu) tuvo qu’acrarár qu’el sentíu de la vida yera d’outro xeitu, qu’el premiu bien después de la muerte, d’onde naide vien a retolicar, si ye verdá ou non, y por ende, queida’l trastabardeu.