LA FÉ QUE NOS ENDILGA'L SISTEMA. Trunfa por mediu de la fé.
Ante l’arroñamientu económicu, equí seguimos, las cousas
están cumo s’atopan, la rialidá ye que l’Estau está siendo una almuada tremoliamente
grande p’aturar cola economías particulares de muchas familias, pos si nun
tienen un subsidiu propio, tienen la pensión, los aforros, la partición dalgún
familiar ensin pufos, la vivienda emprestada ou compartida con dalgún familiar,
suel ser lo más común.
Todu esto fá que se vaiga sobrizando las microeconomías de
cada unu, que se van completando con xeiras tempurales. Esta situación alfaya
que se cumpra pouco a pouco la fábula de la rana, que se vé metída nuna pota,
va aparando cumo la temperatura del augua va chubiendo y chubiendo, ensin ver
la necesidá de cascayar y amparase del peligro. Craramente la rana tien dalgo
al sou favor, ye qu´l sentíu de conservación ye esencial, nun momento nel que
nun puede más, salta y escapa, pero los trabayadores nun tienen una ideoloxía
tan convencida, pos amás de la diferiencias de personas qu’hai drento d’una
crase social, tamién hai múltiples condiciones socioeconómicas y subgrupos entre
el mesmu estratu social, y siempre está la espetativa y la fé qu’ofrez el
sistema y réxime, de qué siendo buenu y cumplidor de las normas capitalistas,
puedes prosperar y meyorar. Continuamente remanecen noticias y vecinos d’estas
que s’amuestran cumo un modelu a seguir.
Comentários