sexta-feira, 18 de novembro de 2016

Rajoy vesita Marruecos.



De nuevu, el presidente del gobiernu qu’entra nel poder executivu, llega a Marruecos pa entrevistase col Rei y el sou gobiernu, precisamente cuando se cumpre’l 41º aniversariu de la “marcha verde”, ye dicir, de la conquista de Marruecos y del abandonu del Estau español de la colonia saharaui, ende siguen tiraos.
Nuevamente, y exactamente nesti mes, marcha’l presidente Rajoy a confratenizar cola Monarquía marroquí, mientras siguen na miseria’l puebru saharaui tanto los de drento cumo los exiliados, y continúan viendo cumo son depredaos los recursos pesqueros y minerales para Europa.
Mientras el Frenti Polisario quier aparentar ser un Estau nación modernu, col sou exercitu y demás alministraciones y ministerios, y aguarda que la ONU s’abulla, apachaque pa conseguir un referéndum y la sua independencia.
Pero la ONU está siendo expulsada del territoriu por Marruecos.
L’Estau saharaui a esti pasu, va queidar cumo un Estau ensin puebru, pos la emigración está mancando, esperriando a los saharauis pol mundu.
Las comunidades autónomas y entidades locales españolas sobrizan al puebru saharaui con caridá y trafullas, tanto gobernantes del PP y PSOE, pero l’Estau, la monarquía española, colos gobiernos andando de rondón, seyan del PP ou del PSOE, confraternizan cola monarquía marroquí.
Asina, l’Estau marroquí nin s’amurrian, nin se fartan de todas estas alfayadas institucionales.
Y pasan los años… 

quinta-feira, 17 de novembro de 2016

TENEMOS PRESIDENTE



Tenemos un nuevu presidente del mundu, el de EE.UU, cumo cuido que sabrás, naide quería, menuda zurribamba recibimos por tolas empresas de comunicación, chacullando escontral Trump, mas a pesar de todu, saliú ende, escontra todu “pronósticu” electoral, está craru que las famosas estadísticas son pouco fiables, ou muchos entrevistaos engaluchan.
Pero está tamién estenu, y naide lo diz, que la xente, los estadounidenses con dreichu a votar, mayormente nun votan, y eso nun ye cousa de huei, sinon de muchos años atrás.
Aberrunto, con toda clarencia, que tol mieu que esperriaba la radiu, la prensa y la televisión contra Trump, yera y ye n’esencia nun tanto pa que influyera a favor de Clinton, sinon pa aleccionar al puebru a que votara, y que si nun votaba, estaba dando una oportunidá de poder y gobiernu a presonas tan “impresonables” y de cudiau, cumo Trump. La campaña propagandística a favor de votar es dalgo bien patente, y cuido que pingóu na pobración española de momentu, nun lo puedo verificar experimentalmente, porque nun hai votaciones pero ye una impresión que me dá.

TENGO MAS MIEDU A LOS LLOBOS DE DUAS PATAS, Y A LA XUNTA SI NUN PAGA

Los llobos que son de cudiau
¿Quién ataca?
El Mastín, el nuesu protagonista
El Capitalismu devora los andrayos del mundu rural



Entovia, hai campusinos que cuidan quienes son los sous ñemigos, rialmente.
Y esti, ye un buen exemplu, cumo outros.
Mientras UPA-COAG, sigue traquinando y ofendiendo continuamente con trolas y más farfollas. Isviando y ñublando la vista de los ganaderos, de los verdadeiros llobos.

terça-feira, 15 de novembro de 2016

EL MEDIU RURAL, EL CAMPU SIEMPRE AL SERVICIU DE PARÁSITOS.



Yá dicía mio padrí, que dicía mio güelu, que del campusinu, todos viven.


Del trabayu del campu, tolos bichos viven d’el, escomenzando por los insectos qu’acarunchan las fueyas y los tronchos hasta los llobos que muerden, matan, y comen las oveyas.

¿Entuences, por qué si la Unión Europea, el Estau y la Xunta de Castiella y Llión quier llobos, nun paga a los pastores un sueldu cumo asistidor d’estos?

¿Si las alministraciones quieren tener y permitir cotos de caza mayor, porqué nun pagan a los agricultores un sueldu por alimentar a los xabariles, ciervos, etc. que carian tolos güertos y sementeras?

Depués, a la vez y a mayores, los impuestos, los monopolios, cébanse a las costiñas del campusinu.

¿Porqué nun lo pescudan los trabayadores rurales d’agora, cumo lo cuidaban los agüelos?

LA ECONOMÍA DEL KILÓMETRO “0”





Dende’l ecoloxismo está falándose y escrebiendo mucho sobre la economía de consumu de Km. 0.
Esti plantiamientu ye bien importante y esencial pa evitar que s’egurripe los recursos naturales y enerxéticos más rentables, pos está consumiéndose productos a miles de kilómetros del sou orixe de producción.
Esta ideya llevada a cabu, puede ser revolucionaria, yá que supon que las pobraciones deberían consumir la mayoría de los productos los más cercanos posibre.
Fuera de la cuestión concreta, y la dificultá de concretar que ye lo cercanu ou non, y qué consumir lo más cercanu. La filosofía que tien y efectuada, ye incompatible col capitalismu, pos esti naz y principalmente se desenvuelve, por la facilidá y el baxu coste del tresporte de mercancías, a consecuencia d’unos recursos de materias primas y/o enerxéticos asequibles pa los monopolios. Colo que esto facilitóu’l crecimientu de las urbes desmesuradamente, despobrando’l mediu rural, al dificultar l’acceso a la enerxía, siendo productora barata d’ella, pol sobrizu del Estau. La facilidá d’albornar materias primas d’outros países con menos costes y muchas veces en competencia desleal, más baratos, fizou y fá que la economía rural y de cercanía s’arroñe.
Pero craru, el mayor beneficiariu d’esti estau de cousas, ye la burguesía, que va concentrando cadavé más en propiedá y en territorio urbanu, el Capital, mientras los trabayadores rurales van perdiendo capacidá de negociación y poder nos medios de producción.
Si los ecoloxistas tienen craru esti conceptu de “economía de cercanía ou consumu de cercanía”, deben barruntar que p’apañar esto, solo se puede facer, col socialismu.

quinta-feira, 10 de novembro de 2016

LAS CARRETERAS DE LA PROVINCIA.


Muchas de las nuesas aldeias están casi incomunicadas, con unas roderas desastrosas, enllenas baches, paeciendo muchos chacullones nel caminu.

Pero esto sigue a más, siguen metiendo y metiendo cadavé más perras nel AVE, mientras las carreteras se vuelven más y más endinas.

Vuelvense imposibres poder dir al centro de salú, a urxencias, a la cabecera de comarca, a outros servicios comarcales, teniendo estas carreteras provinciales y caminos rurales imposibres de transitar.

Por eso, nun necesitamos del AVE, precisamos de carreteras viables.

Que acerquen las nuesas llocalidades, que nos faciliten la comunicación y nun espilfarre riqueza enerxética.

Necesitamos inversión industrial, non estrucción ambiental d’un tren d’Alta Velocidá que derrocha recursos, tantu na sua construcción cumo nel sou mantenimiento.

¿Hai diferiencias entre’l campusinu y l’asalariau?


El campusinu apáñanle la plusvalía en base al pagu y a la imposición de los monopolios d’un preciu al productu, menor qu’el gastu de los medios de producción y tiempu de xeira, anque los medios de producción seyan suos ou cadavé más hipotecaos y en deuda, pola necesidá d’una mayor inversión en maquinaria más potente y nueva. Los gastos y repellones pol sou usu va a cuenta de la responsabilidá y economía del campusinu.

L’asalariau quítanle la plusvalía en base a un trabayu de baldre que realiza a la empresa, dueñu de los medios de producción onde trabaya, mas el nun se fá garante directu de los gastos d’usu de los medios de producción.

¿HAI VOTACIONES LLIBRES?


Cuando nos repiten continuamente que podemos votar con llibertá, siempre remembro a mia agüela, qu’ella cuando yera rapacica, viú cumo mataron a muchos vecinos por ser d’esquierdas, formar parte del sindicatu.

Contábame mui craramente, cumo los trasfulgaron, llevándolos primeiru a la casa-conceyu cumo prisioneros de la cárcel llocal, y d’ellí, lleváronselos y nun volvieron más, nin se sabe más.

Con qué afán, narrábame col miedu nel cuerpu, que me tresmitía, que las muyeres de los presos, nun tenían pa dar de comer a los sous homes, y se queixaban amargamente, ensin resultau, qu’estaban solas p’alimentar a tola la familia, hasta que nun volvieron a saber más d’ellos, dicen que se los llevaron a Zamora.

Tamién, enrecordaba en voz alta, la ilusión que dióu la república a todos estos trabayadores rurales, que fusgaban un futuru con esperanza, con tierras, semoviente y ganau pa quién la trabaya.

El miedu metiuse drento de todos.

Depués d’esto, nun hubo naide na aldeia que ficiera dalgo d’oposición política antifascista.

Y sigue equí presente, pos cumo una teórica democracia puede tener inundaos las caleyas, las ilesias y las plazas de símbolos y nomes franquistas.

Cúmo una “democracia” puede seguir estando supeditada a una ideloxía relixosa cumo la católica, con tol poder económicu, educativu que tien gracias al Estau.

Cúmo va haber una democracia, cuando los torturadores, los represores de cuarenta años del franquismu nunca fueron xulgaos.

Cúmo puede unu votar llibremente y sentise llibre pa votar, cuando sabe qu’esti réxime está enrebujau por poderes y personalidades del franquismu y sucesores d’esti.

NECESÍTASE ADORADOR.


Si quereis un emplegu, equí lo teneis.

Adorador, nuna sociedá que va de moderna, y contraria a la relixosidá “integrista”, atopámonos con un cartelu bien curiosu, que nos diz cumo la Ilesia Católica, amás d’usar BURKAS pa muyeres, busca ADORADORES, ye dicir, facer teatru nuna ilesia pa que las esculturas y la capilla nun estén solas y desamparadas de compañía.

Asina que yá sabeis que facer.


 

quarta-feira, 9 de novembro de 2016

SEGUIMOS ENSIN MONOLITU.


Equi en Zamora, seguimos ensin tener un monolitu pa enrecordar a los represaliaos del franquismu, siendo aprobau pola alcaldesa del PP, agora nel gobiernu IU y PSOE, yá nun se sabe nada, enantes tenían la excusa que lo estaban faciendo, agora yá nin arrodían, están bien callaos, están más anguriosos polas suas griescas colos “movimientos sociales” cercanos al PP, que por facer xusticia de memoria.

Agora la mayoría de las asociaciones de vecinos, la asociación de comerciantes son de los más reivindicativos y protectores de los vecinos y las fuerzas vivas de la ciudá.

SABOR A DEPREDACIÓN


Sigue habiendo ataques de llobos, y dá mucha pena ver todas estas oveyas, carneros, cordeiros masacrados, mordíos, desangraos y tirados nel suelu ou sobrizaos nel pastor.

La Xunta de Castiella y Llión sigue faciendo lo que siempre, deixar que paséi’l tiempu, nun pagar las indemnizaciones rápidamente nin tentar evitar estas matancias.

L’evitar todo esto, nun ye fácil del todu, mas la presencia de muradales d’animales muertos nel campu, favorecería gran parte todu esto.

Estos sucesos solo enseñan nas empresas de comunicación local.

Parez qu’el sector productivu del campu nun interesa que se sobrice, parez que todu está pescudau, planiau, ideau por activa y por pasiva nel mundu del sector servicios y financieru.

Y nun ye verdá, el capitalismu nun solo ye un sistema económicu español sinon también internacional, y la economía de mercau nas suas transacciones económicas, nel que los monopolios imperan y dominan el mercau, van decidiendo unas veces más rápido qu’outras onde les resulta más rentable l’agricultura, y la ganadería y que crase de agricultura y ganadería les interesa. Según la demanda, los sous costes y los sous intereses y chicas de negociación.

A nivel del Estau español, ves cumo todo son pegas y dificultades, a veces necesarias, en temas medioambientales, de prevención de riesgos y más, y craru, facen aumentar los costes de producción y tresporte, pa más problemas, en competencia están entrando toda crase de materias primas y industriales de países onde toda esta llexislación y requisitos nun tienen, colo que por necesidá, los sous productos son muchu más baratos y competitivos, producen más y venden por baxu coste, pa entoñar a la competencia, a parte. A esto, seguimos teniendo unos costes llaborales que anque vayan a menos, siguen siendo mayores a muchos outros países.

Nel tema del campu, ye de vergoña, años y años dando la lata dende las alministraciones y cooperativas pa que se “profesionalice” el sector, con ganaderos de lleche con más infraestructura pa que produzcan más con menos costes, y agora, dicen que lo que tienen que facer ye producir menos, que todas la istalaciones están supradimensionadas, y que hay que esfungar ganau y producir menos qu’enantes, cuando había cuotas. Las cuotas de lleche lo que facían ye obrigar a nun producir más lleche de la que tenían determinau ou mercau en “dereichos”, mas te asegurabas de qu’el mercau estaba más estable na producción y na importación, colo que las fábricas dalgo más forzosas a contratar lleche a los ganaderos de la zona, anque fuera abaratando todo lo que pudieran, pos la totalidá de cantidá de lleche de las cuotas nel Estau español yera menor que la demanda de la pobración española, colo que tamién s’importaba mucho lleche, pero agora cuando nun hai estas cuotas, ya ye un caos, a beneficiu de las empresas lácteas. Está importándose lleche d’Europa, especialmente de Francia, qu’está inundando tol mercau, colo que las empresas lácteas deciden d’un dia pa outro si quieren o non apañar esti lleche a talu ou cual ganadería, pos nun quieren “enratase” con contratos mercantiles y los que se facen son pa ganaderías que están cercanas a la fábrica, con menos costes de tresporte. Tamién por eso, las ganaderías más llonxadas de las fábricas están desapareciendo más pronto.

Nel casu agrícola, pa esperriar velenos cumo herbicidas, insecticidas… fuerzan a los agricultores a que los envases seyan seyan reciclaos nuna pranta de reciclax, y que paguen los costes d’ello, a mayores hai que pagar la compra de la cédula de manipulación de fitosanitarios.

N’Agricultura ecoloxica tienen fuertes cucios de las facturas y tolas materias primas que se manipulan pa la producción, que facen perder muchu tiempu, y el tiempo ye perras, un tiempo que pueden ser días enteros, atendiendo al cuzo de la organización de la enseña d’agricultura ecolóxica, y… mientras nun produces.
Todu esto, de baldre, porque asucede que la Xunta de Castiella y Llión, pa proveer a las sous comedores de residencias, etc. está importando carne yelada en cachicos y procesada en cajas de Brasil, por exemplu; envede fomentar el consumu de productos llocales, comprándolos ellos mesmos, simpremente pa salvar la cara, inventan un sello pubricitariu que se llama TIERRA DE SABOR, que nun tienen nengún valor de calidá nin garantía, solo cuenta que se proceso finalmente en la Comunidad Autónoma de Castiella y Llión, pero nun diz d’onde vien las materias primas. Lo que está consiguiendo este sello, nel que están metiendo muchas perras en pubricidá, ye confundir a la engaluchar a la xenti, y facer cuidar a la xenti que ye cumo una Denominación de orixen, ou Denominación de orixen amparada ou una Indicación xeográfica amparada, los cuales, estos sellos de calidá nun tienen nin la estructura, nin el dineiru na sua mayoría pa dase a conocer.