Hostelería Vs Ganadería
La hostelería ye unu de los sectores más
escravos, con xeiras llargas, llarguísimas, y con poucos días d’esbarrión, ye
lo más asomeyau a la ganadería, anque eso sí, está nel réximen xeneral de la
seguridá social, colo que tien dereichu a paru, y ye más “seguru”, yá que ye un
oficiu baxu teichu y non albentistate. Pero, polo demás ye poucu agradable, pos
l’atención al púbricu implica un esfuerzu mental y moral que nun tien la
ganadería y agricultura.
La verdá ye que ye un sector que debe
enchizar, pos hai bares que funciona solamente gracias a la simpatía que pueda
tener el camareru, y también una buena cocina, si la ofrez.
La verdá ye que también puede cobrase más que
na ganadería, pos los precios de venta poneslos, mientras que na
agricultura-ganadería, los precios de venta son impuestos polos monopolios
industriales y de comerciar.
La hostelería puede tener menor inversión de
Capital, y con una clientela más o menos asentada y fiel, y/ou llugar bien
situau, puede dar pa vivir bien.
Por eso, la hostelería penca en pobración
activa.
Los dous ámbitos tienen cadavé menos
creatividá, con más trabayu en cadena, al igual que la ganadería cola
mecanización más impuesta, también ye más rutinaria.
No que s’iguala las duas partes, ye la falta
d’uñidá social de crase ante los monopolios financieros, son mui
individualistas, con abonda división y competitividá territorial y de mercau.
Comentários