LOS RAPACES NUN S'UÑÍAN
La ecoloxía, deixóu pouco a pouco de ser un movimiento
de denuncia fuerte, pa dir entrando nos conseyos consultivos de las
alministraciones, y deixar la calle pa trabayar cumo oficina de denuncias y reclamaciones
alministrativas, nun quier dicir con esto que la naturaleza cercana nun
siguiera estando en peligru y siguiera siendo escongriada, non, simplemente,
las fuerzas decayeron, y todu s’asentóu, nun hubo relevo interxeneracional.
La falta de relevu interxeneracional nun ye
una cousa de ha pouco tiempu, eso lleva muchu tiempu, muchu más de lo que
conozo. Seguramente la transición fui unu de los escomienzos d’esti fenómeno, y
sus puntos sumos fueron, la chubida del PSOE al gobiernu, y ante todu, la perda
del referéndum de la OTAN, a partir d’estos momentos, los “vieyos” más
concienciaos siguieron na griesca, outros muchos aburrunaron, los partíos de “esquierdas”
ou “comunistas”, si ya venían d’una comeniencia ou un sobrizu escondíu ou
abiertu al neofranquismu, los obreiros y los campusinos, nun forciaban parar
las “reconversiones”, pero a cambiu pol sou silenciu, llegaban ciertas
subvenciones europeas y estatales, meyores ou piores, según el casu. La xente
más rapaza nun s’uñían a estas nuevas resistencias na sua gran mayoría, estaba
mui desencantada, sicasi, los que yeran más rebeldes, facíanse “anarquistas” ou
“llibertarios”, pos craramente, lo de ser comunistas estaba talmente dispreciau
debido al ser de PCE y la Unión Soviéticas y alredor, pero, estos yeran
anarquistas del posmodernismu pequeñu burgués, pouco ou nada de obrerismu y si
de los veganismos, animalismos, y mui poucos d’estos remembraban de la existencia
de presos políticos.
Asína yera todu, estábamos bien estenu, nel
capitalismu popular, nel que todos podían ser propietarios capitalistas y
especular anque estuviéramos en deudas llarguísimas, y sintiérase qu’el despidu
baratu y llibre prácticamente yá s’usaba na sua mayor parte, con un cadavé
mayor estacionalismu y temporalidá nel emplegu. Peru buenu, cumo yera relativamente
fácil atopar outra vacante, nun importaba.
La inseguridá y los accidentes, yeran el mal menor
pa al “buen” golpe y apañar una buena productividá.
Comentários