LA SOCIEDÁ ESPERRIADA

Ye mui difícil nun amargase cuando ves qu’el mundu nun progresa, que los trabayadores aguantan y aguantan, y se parecen muchu y muchu a la rana que se va cuecendo pouco a pouco nel augua más y más embrasilau.

Y más cuando ves, cumo se paróu los movimientos de masas, especialmente cuando apareciú PODEMOS, dende entuences, miran a las instituciones, muchos d’estos están faciendo tolo posible pa apañar un puesticu, y seguramente se dirán chamuscando y escamándose.

Mas, on asína, nas elecciones estatales, los datos relativos a la abstención nun llegóu al 30%. En Cataluña tuvo dalgo más, pero todo mui llonxe del 50% del qu’estabamos enseñaos.

Lo qu’amuestra que muchu “non votu” qu’había, nun yera por rechazu al capitalismu monopolista nin a la monarquía herieda del facismu, que tanto sofrimos.

El réximen tiene mucha llexitimidá social, todo estos años de consumismu, a pesar d’una continua precarización del trabayu y seguridá social, que se basaba en el crédito familiar y subvenciones de la Unión Europea, fizou engaluchar ampliamente a las crases trabayadores.

El puntu sumu, fui casualmente la última especulación, enantes d’esta crisis cuando’l sistema estuvo más sobrizau, con unos sindicatos repudiaos, pero ensín outra alternativa organizativa estena y abordonada na crase obreira.

Los campusinos nunca más se sintieron más empresarios que nunca, con una continua sobreendeudación pa seguir capitalizándose, a pesar de que los precios de los productos yera talmente mandonguiados polos monopolios.

Las fuerzas armadas y policiales estaban nel sou meyor momento de popularidá, la insumisión acabóu en parte cola “mili esbravada”, entuences, causóu la criación de nuevos emplegu na alministración, con una buena colación de funcionariu, nel que poder seguir prosperando más. En todu esto, alfayóu las “misiones humanitarias” que tanto fomentaba l’Estau, onde se ganaba muchu más perras.

Y cuando acabóu la insumisión, nun hubo movimiento de masas suficientemente fuerte y popular pa que le siguiera l’alternativa, nun hubo nenguno qu’apañara tanto sobricu.

Todu esto, fizóu qu’inda piorara más la esperriación de las masas en diferentes causas y angurias, cumo si fueran independientes y desapegadas.