domingo, 15 de novembro de 2015

LAS COSTUMES COMUNALES N'ALISTE


LAS COSTUMES COMUNALES N’ALISTE.
Grisuela

Las costumes comunales na Comarca d’Aliste, ye un llibru bien interesante, anque da una visión abondo idealista, d’un réximen de trabayu, economía rural que ya emprincipiuaba escular debido a las desarmotizaciones, privatizaciones de las tierras comunales, y la presencia y presión cadavé mayor de la economía capitalista monetaria, mediante préstamos, pagu de impuestos al Señorío…

Yera una economía casi autosuficiente, artesanal, mas mui escasa en recursos y abondo cuitada en tierras fértiles, anque eso sí, con una ganadería importante, y especialmente con mayor relación mercantil colas aldeias vecinas portuguesas.

Esti llibru, cuenta entre outras facetas, las rozadas ou rebozu, nel que se repartían las tierras comunales pa ser semadas, primeiru s’esbrozaba, pos yeran tierras que llevaban años de llabrau y con lleña dispuestas pa fogatas, pal llar en casa, y namás facer esto, aralu pal cereal –centenu- que la tierra, que nun necesita una tierra mui rica.

Cumo hai un xuez y unos ayudantes, cumo s’aconceyan los vecinos y trabayan a la vé pa arar y asina tener bien craru la sua parte de la tierra.

Tamién escribe de los conceyos abiertos, y de cumo s’usaba más el trueque y el pagu n’especie.

CUMO ANDAMOS.


CUMO ANDAMOS.


Equi todu sigue asomeyau, todu bastante paradicu col tema de las elecciones.

Salen cousicas, pero mui puntuales, temporales del momentu, cumo lo de la llei mordaza, que nun fui una gran cousa na movilización.

Lo que si continúa más o menos fuerte ou con vida, son las plataformas escontra las expulsiones de la sua vivienda.
 

Qu’anque nas capitales si parece que llucharon pa que nun los empuntien de la casa, por equí, las plataformas presionaron y presinan pa que los inquilinos que deixaron de pagar la hipoteca, concédaseles la dacción en pagu y un alquiler social, más baratu, mas cuesta mucho, especialmente con Caja España-Duero, que nun quieren poner a nadie de mediador nin negociar colos representantes de las familias.

Craramente, los bancos siéntense mui fuertes depués de conseguir el pisu llibre fácilmente, cumo pa negociar outros “favores” pa la familia despedida.

MATADERO BAJO CERO


MATADERO BAJO CERO.
 

Esta plataforma vecinal de los bloques d’edificios de la Avd. Galicia en Zamora, son un símbolo de arguyu pa todos.

Esa costancia de llucha escontra la irresponsabilidá alministrativa y los irresponsables de la Xunta de Castiella y Llión, debe fortificanos ante las amenazas e insultos que sufrimos los trabayadores, cumo sufrieron estos vecinos, que vieron cumo los políticos, caciques ellos, escacharon lo que podía ser unidá, pal sou interés.

Pero los más valientes siguieron palante nos sous propósitos, pos yeran xustos y necesarios, y yeran un deber moral de conciencia, que desgraciadamente muchos de los outros vendieron por un pratau de garrobas.

Neso siguen estos burócratas, cuando depués de perder la griesca, pa enciscar más los atropos, quieren beneficiar cola victoria xudicial de la plataforma, enantes aquellos vecinos que nun ficieron nada pa conseguir esta victoria, escontra los que s’enfrentaron a la sous caprichos.

SOLIDARIDÁ COLOS GANADEROS.

Las organizaciones corporativistas ganaderas quieren pedinos solidaridá, pa que gastemos, consumamos lleche española y velemos el sou caminu.


Está mui bien solicitala, ye necesariu pa tolas griescas estar unidos ante la inxusticia.

Pola nuesa parte, los trabayadores, las crases populares debemos sobrizar a los ganaderos, pos son los nuesos vecinos, muchos d’ellos son trabayadores, que tamién están sufriendo esta crisis capitalista, nun debemos esqueicelu.

Mas cumo quieren que les ayudemos consumiendo una lleche más cara, por ser española, por exempru, si nun están con nós, nas mesmas causas comunes de lluchas sociales.

VISCA CATALUNYA. VIVA’L PUEBRU CATALÁN


¡Viva la República catalana!


Una vé, amuéstranos que gran parte del puebru catalán quiere mirar hacia’l futuru, un futuru ensin miedu a las cadenas de la historia fascista, de la sua monarquía sucesoria, y de tolas carrapatas qu’están alredor, herederas de tola maquinaria socialfascista.

Debemos sobrizalos, y seguir la sua solombra.

Vergoña dá, aqueillos cumo Podemos enredan a la engañifa, pidiendo un referéndum, quieren engaluchanos sabiendo dende’l principiu que ye imposibre drento d’esta constitución, drento d’esti réximen, pos yá lo tentaron y lo prohibieron, y agora mesmu está en tribunales, el presidente catalán.

Craru que dirán los “Anticapitalistas” qu’el nacionalismu simpremente llucha escontra una burguesía folastera, y sigue baxu’l xugu de la propia.

Si, tienen razón, mas la revolución tamién tien fases, lleva un caminu qu’hai qu’andar, y nesti casu, puede escomenzase polos mandonguiantes españolistas y los colaboracionistas, yá vendrá un nuevu pasu, si’l puebru catalán lo quier.

Meyor lo facen ellos, que siguen l´endovillu, de los herederos del Franquismu y l’españolismu, que nun lluchan escontra ellos sinon que quieren enzolanos a todos, con composturas de pseudoradicalismu.

El sobrizar a las CUP (Candidatura de Unidá Popular” ye la meyor postura a facer agora, buscan la independencia, llámanse anticapitalistas, y quieren salir de la OTAN y de la UE.