LAS ALTERNATIVAS RURALES NA ACTUALIDÁ.

Estimau ganaderu, estimau llabrador, campusinos todos.

Dura ye la tua vida.

Siempre afañau del tiempu, cuando llueve porque caye augua; cuando fá siquie, porque hai mucho calor.

Siempre con miedos que si la piedra, que si las tormentas.

¡Ay, tamién vienen los peligros de la moriña, la peste!.

Y parecen que cadavé hai más y más difíciles de cudiar.

Y muchas veces nun sabes cumo evitalas, pos cuando te sabes la respuesta, vien outra pergunta diferiente.

Y cuánto tiempu se pierde con todo esto, cuántas horas de trabayu, que si faces muchas veces cuentas, nun salen.

Y para cuándo ya tienes el productu pa vender, sal outro problema que si nun tienes d’enantes solucionau, ye mui posibre que te lo comas ou lo tires, colo que seya, más pérdas a sumar.

Pos está craru, qu’el mercau está devorau por monopolios qu’imponen los sous precios pa comprar y pa vender, disponen de Poder pa rechazar cuanto quieran ante tanta abundancia de todu, ensin que naide acote. Pos cadavé que sientes a los políticos falar, cadavé menos, dáste cuenta que nun quieren amañar esto, y servir al puebru, a los trabayadores, sinon a los monopolios.

Pero, on ye peor, lo que dicen los “sindicatos agrarios” ou llamados OPAS, na cabeza la COAG (Miguel Angel Blanco). Cumo se nota que cobra pa ser berrones, y facese sentir. ¡Y cuanto cuesta lluchar!. A naide le gusta la griesca, salir a la calle, ye un esfuerzu poucu agradable y pouco agradecíu pola alministración, mas col garbu cumo lo diz, y cola súprica constante de churmingar a la burocracia política, negociación, negociación y negociación, da entender que hai dalgo más tapau, que nun quier decir.

Tamién ye verdá que’l ambiente, la conciencia de los campusinos, cumo trabayadores autónomos nun favorez la unidá y la movilización social, pos lo que impera ye’l individualismu, la competitividá, favorecíu por un sentimientu propietariu de falsa d’independencia y aislamientu de los problemas y intereses de crase, sometida solo a los caprichos y intereses de los monopolios.

El xugu de la opresión política y económica tamién la sofre los obreiros non solo los campusinos.