quinta-feira, 12 de março de 2015

VIVIR NAS ALDEIAS.



Vigu. Senabria

Supon gastar más en gasolina, aceite y na compra d'una motosierra pa podar y aporvechar almendros y demás lleña que tenemos nel puebru.

Pos hasta agora, al vivir tola familia nas ciudaes tou esto queda perdíu, y nun s'aporvecha, pos nos pisos nun se puede tener chumineya nin llar nin llares nin nada d'eso, anque nos sous tiempos si había estufas de carbón nos pisos, agora tou tien que ser a fuerza de gas o electricidá.

Andan en Zamora, unos vecinos d’unos bloques de pisos con problemas cola Xunta, son pisos de protección oficial qu'usaban gasoil pa caldiar l’augua, y agora andan ensin calefacción nin augua caliente porque la Xunta de Castiella y Llión condelgóu las caldiras, yá que había peligru d'afogamientu masivu de tolos vecinos, porque diz qu'estas calderas nun queman bien y producían anhídridu carbónicu.

Los vecinos dicen que las chumineyas d'estos pisos, tán mal feichos dende'l primer momentu, y que nun pueden agora facer nenguna obra, pos nun tienen dineru, munchos tán nel paru y ensin prestación ou a subsidio de 400€.

Hay tamién vecinos que están d'arriendu social, y la Xunta prorróga’l cobru del arriendu, pero muchos d'ellos nun pueden mudar la caldira a gas.

Mientras que la Xunta diz que los sobriza con un terciu del gastu de las obras y la instalación, arrean en que los pisos estaban bien nel sou momentu, pasáu yá'l tiempu de garantía. On asina, los vecinos sogornian que necesitan más, yá qu’ellos mucho enantes d’acabar el tiempu de garantía, denunciaron por escritu alministrativu las condiciones de las viviendas y las chumineyas.

Ufierta la Xunta que si quieren más ayudas, que vaigan individualmente a los servicios sociales.

Asina que l'otru dia, manifestaronse ante la Xunta pa berriar el cien por cien de la subvención pal amañu de la caldera a lo menos, porque la muda de chumineyas ye mucho más caru. Yá que paez que'l gas nun crea'l peligru de monóxidu de carbonu que tanto afuega.

quarta-feira, 11 de março de 2015

N'IVIERNU



EN DICIEMBRI.
Lo buenu d'estos días, ye'l sol qu'hai, ye esplendidu anque apenas caliente.
Llama, da gustu y agradez salir, a la caleya y al campu a pasiar, bien acuchau y enrebuyau, craro.
Ayer estuve podando unos carrascos, qué guapos y bonitos están, que bien van tirando pa enriba, y cada añu veyo nuevos carrascos y bertones pa podar y que chuban y chuban, colo años, pos la mesma tierra fai remochar aquello que´l sou sutrato tien bien pa las suas prantas que meyor avien a la so tierra.
Nesta tierra, sembrábase centenu dalguna vé, etc y lleva años ensin sembrase, y ta enllenu de jaras y escobas (estas últimas dicía la mia güela sembrábanse, yá que como'l campusinu necesitau de tierras, desforestaba abondo pa llabrar y semar, la presión poblacional y agrícola yera bien fuerte, y queidábanse ensin lleña pa calentar la casa, y paez ser qu'había venta y ufierta de grana d'una escoba que crecía bien alta a diferiencia de lo qu’había nel campu, los piornos, anque nun fuera bien buena en poder caloríficu, pero servía pa la chumineya cumo las cepas y las vides).
Agora ruchan los carrascos col tiempu, si se cudian puede que crezan unas ancinas, nun séi si las veréi bien grandes. Dalguién las verá, pero el mio gustu está en facer este pequeñu esfuerzu. El paisaxe de’l Saceu -n'-Almaraz-, onde están los carrascos, ye preciosu cerca del rio Dueru, una maraviya.

LA MENTIRA DEL FASCISMU.



Como sabes, la muerte d'esta persona d'A Coruña por xente del Atlético de Madrid, vuelve repetir lo que pasu va años con outru futboleru del Pais Vascu, y como ves prácticamente tolo achacan al fútbol y a los violentos del fútbol, ensin querer apenas amuestran nada de los problemas políticos, y cuando facen referencia a ello, facenlo, culpabilizando a los estremismos como los culpables d'estos incidentes que se buscan entre ellos pa pegase y matase. Anque nun diz nada de que manera nin de que forma fuí realizada la cita nin nada de nada.
Cangas do Morrazo. Pontevedra. Galiza.

LA MARCHA A TOPAS.

Un añu más, la marcha a la Cárcel de Topas ye necesaria y nunca esqueicer.
Salimos dende'l Cubo del Vino, a las 17h.

domingo, 8 de março de 2015

LOS TRABAYOS D'AGORA



LOS TRABAYOS D’AGORA.
El branu va acabando, y los trabayos van esfungándose.
Y volvemos a los iviernos llargu y secos, nos que por estas feichas de outubre la economía va enfriase cadavé más y más, hasta conxelase.
Estamos bien en tiempos bien parecíos relativamente, a los tiempos nos que los braceros y criaos acabánsele las xeiras del campu y depués de la vendímia, atopábanse col paru.
L’outro día, un vecinu cuntábame cumo la historia d’un perru que se llamaba Judas que yera d’un vecinu temporeru, que nunca se le vía a la puerta de casa d’este home cuando yerá branu, pero en cuantis s’acababa la vendimia, yá estaba Judas a la puerta todu’l día.
La verdá ye, con esta economía tan estacional, que vive principalmente del turismu y de los servicios nas ciudades, los trabayadores afuyen tolo que pueden d’este Estau y d’esta economía, pos, quién va queidase equí, solo aquellos que nun tien idiomas nin son inxenieros nin sanitarios, que ye lo que piden y demandan n'Europa.
Poro, América sigue siendo outra salida llaboral, anque nun seya lo mesmo, con una economía mucho más inestable, pero en plenu desenvolvimientu financieru, especulativu y d'inversiones n'obras púbricas como pasa n'Ecuador, Bolivia, Chile y Brasil, anque esti últimu seya pa los falantes de portugués.
Especialmente estos primeros y Brasil quieren aporvechar los sous recursos naturales pa reinvertirlos n'infraestructures, que retroalimenten a la economía burguesa del país, y nun seya como hasta agora solamente una economía extractivista d'esportación de materias primas. Para conseguir el sobrizu social y popular aprigueran planes de subsidios a la economía familiar que contenten y contengan a la pobración obreira y campusina que sigue oprimida.
Nesto, empuntia mucho el tipu de mercáu que fomenta Rusia y China frente a los Estaos Uníos, que van entrando cadavé más nestos países pa mercar ya intercambiar.