quarta-feira, 20 de novembro de 2013

SUMA, LA XENTE LO PRIMEIRU.



Córdoba

Na conversación feicha na radiu del COLECTIVO BURBUJA, cumo presentación de la plataforma electoral SUMA, LA GENTE LO PRIMERO.
Cumo xustificante de la necesidá de una nueva coalición electoral, unu de los ponentes plantiaba cumo yera necesariu tomar el poder políticu, cumo contrapoder frente al poder económicu, pos la llegalidá da medios escontra’l abusu del capital.
Muchu más se podrá comentar de lo que dicía. Mas cuido que yá esa parte de la entrevista ye importante. Yá habrá ocasiones y nuevos comentarios.
Con esa ponencia amuestra la falta de conocencia de la historia, pos tolos intentos de contrapoder políticu nel sistema “democráticu-burgués” acabaron siendo derrocaos, invadíos pol poder militar fulasteru ou interior al serviciu y financiau polos capitalistas, que se sentían agraviaos.

NUN TE DAN EMPLEGU. NUN TE DEIXAN TRABAYAR.



Senabria. San Martín de Castañeda
Siempre pasóu esto, mas agora lo sufrimos continuamente.
Pos enantes, siempre deixaban y existían el pequeiñu comerciu que daba pa vivir.
Pero agora, más que nunca, todu está monopolizau nas grandes superficies, distribuidoras y industrias, lo que fai mui difícil la competencia en precios, con una producción y comerciu artesanu.
On asina, la llexislaciones y alministraciones estatales, autonómicas y llocales persiguen, penalizan la mínima disensión con una riestra interminable de lleis, decretos, reglamentos y d’inspectores que buscan la esnera de todu aquel que se busca la vida, quier apañar nichos de mercaos. Pos los nichos son cadavé más diminutos, mas las pegas qu’imponen van a mayores.
Podreis pensar que lo facen pol nuesu bien, pa curiar la salú, la sanidá, la naturaleza y la competencia, todu esto lo más llonxe de la realidá.
Yá que las continuas crisis alimentarias y económicas, amuestranos que realmente la política y tol sou desendolque llexislativu nun fai más qu’estorbar cualisquier iniciativa.
Lo que podría ser una pequeña inversión, faila sumamente alta.
Qué facil ye facer queisu, mermeladas, compotas, toda crases de conservas, y qué compricau lo ponen pa que nadie pueda vender nenguno d’esos productos tradicionales pa poder ganase la vida ou minimamente ingresar dalgo más.
Asina, pa poder facer queisu y vendelu tienes que tener unas instalaciones carísimas, al igual que todu lo demás.
Con unos trámites alministrativos que facen más caru todu escomienzu, teniendo que contratar técnicos externos que podrían facelo los técnicos funcionarios.
A mayores, la alministración llocal ponen las suas pegas, de llicencias, y cuando tienes todu esto apriguerau, pa comercializar lo elaborau tienes un mercau mui cubiertu con las grandes superficies y supermercaos, y la distribución todu monopolizau.
Yá nun queidan tiendas apenas, nin tampoucu ferias nin mercadillos d’artesanía.
Las que hai interesantes y más rentables, son realmente bien caras pos cobran un buen dineiru las alministraciones, amás esbravan tener toda crase de requisitos alministrativos, que facen xubir los costes de producción y venta.
Mientras qu’a los monopolios les dan tolos sobrizos económicos y subvenciones que quieran, que son los responsables de las crisis alimentarias, económica-especulativas.
A l’artesanía, a la pequeña producción nun dan más que palos, pa que t’aburras y t’arroñes.

quinta-feira, 14 de novembro de 2013

LOS CLÁSICOS CONTINUAMENTE ETERNOS.


Los clásicos continuamente eternos.
Belver de los Montes


Nun momentu cumo esti, nel que se va a palpas y ciegas, al tun-tun.

Renacen con más o menos fuercia, los clásicos de la política y la economía cumo Marx, Engels, Lenin, Proudhon, Kropotkin y Bakunin.

Pero quisiera incidir agora mesmu nuna sempiterna polémica que naide s’alcuerda nos sous protagonistas, que fueron Marx y Proudhon sobre la pequeña producción, l’artesanía cumo solución, alternativas drento ou hacia fuera del capitalismu.

Y esta llucha d’ideyas sigue anque naide sepa lo que fui nin lo que se comentóu.

Pos cadaunu de los “nuevos” outores qu’escriben sobre’l desendolque económicu, el paru, la despobración rural, l’agricultura, el comunitarismu, el socialismu, l’anarquismu, la propiedá de los medios de producción, la tecnoloxía, plantían las suas iniciativas cumo “nuevas” ou casi nuevas, cumo propias,  entre estos escribidores aseñalo a Felix Rodrigo Mora, y yá nos años 70 al llibru “LO PEQUEÑO YE FERMOSU”. Cuando yá nel sieglu XIX, debatieron esto, los importantes outores cumo Proudhon y Marx.

El primeiru, escomenzóu cola polémica col sou llibru “FILOSOFÍA DE LA MISERIA”, y el segundu, contestóle col llibru “MISERIA DE LA FILOSOFÍA”

Ye interesante’l debate qu’hai sobre’l desarrollismu, la crisis ecolóxica, la despobración rural, la masificación de las ciudaes, el desemplegu, dando cumo alternativas sociales y económicas, la producción artesana.

Pero quién fala realmente, de que las causas de todu esto ye la propiedá de los medios de producción en manos de la burguesía, d’un Estau al sou serviciu y d’una economía monopolista y imperialista.

Cumo mucho, tratan del tema cumo´l perversu Estau qu’abusa del poder, que tien cumo única fin esencial el dominiu sobre la pobración, esqueiciéndose quién ye’l Estau, y cumo se fizo.

terça-feira, 12 de novembro de 2013

POLOS PRESOS POLÍTICOS.



Belver de los Montes


En memoria de todos ellos, esos homes y muyeres qu’están nas cárceles, aguantando todu un chaparrón de inxusticias, falsedaes y insultos.

Todos esto los sufrimos los qu’estamos na caleya, pero ellos nun pueden más que padecelos ensin remediu nin escape psicolóxicu.

Pero ellos, llucharon, lluchan y seguirán na griesca pola dignidad de la crase trabayadora del campu y la ciudá, ante los opresores, capitalistas, banqueros y l’Estau con tolos sous funcionarios.

Son todu un exempru pa nós, cuando los escribes, falas, te comunicas con ellos, na midía en que te deixe las fuerzas represivas del Estau carcelariu, infunden una sidia y una chicha que nun tienes nel dia a dia, enantes los muchas inxusticias que sufres y sufren.