TESTOS DE FERNANDO PESSOA. TRADUCÍOS DEL PERTUÉS AL ASTURLLIONÉS.

Palaçuolo

DEBER DE SOÑAR.

You tengo una especie de deber, deber de soñar, pos siendo más qu’un espectáculu de mi mesmu, tengo que tener el meyor espectáculu que puedo. Y asína, construyo ouru y sedas, en salas supuestas, invento escenariu, teatro pa vivir el miu sueño entre lluces amurosas y músicas invisibles.

-----------------------------

Nunca amamos alguién. Amamos, namás, la ideya que nos facemos d’álguien. Ye un idealismu nuesu –en suma, ye nós mesmo- qu’amamos. Esto ye verdá en tola escala d’amor. Nel amor sexual buscamos un goce nuesu dau por mediu d’un cuerpu estrañu. Nel amor diferiente del sexual, buscamos un pracer nuesu dau por mediu d’una ideya nuesa.

Las relaciones entre una alma y outra, al traviés de cousas tan inciertas y opuestas cumo las palabras comunes y los xestos que s’emprenden, son materia de extraña complexidá. Nel propiu acto en que nos conocemos, desconocemonos. Dicen los dous “ámote” ou pensamos y sentimos en trueque, y cada unu quier dicir una noción distinta, na suma astracta d’impresiones que constituyen l’actividá del alma.