EL CAPITALISMU RAPUSIA LAS TIERRAS.



Córdoba
Pisa la propiedá privada.
L’ultimu sucedíu n’Aciberos, na Sierra de la Culebra..., amuestra una vé más qu’el capitalismu devora todu aquello que ye del sou interés.
Nesti casu, las tierras comunales y privadas del términu d’Aciberos, na provincia de Zamora.
Cuando los campusinos, pequeños propietarios arimanse a los terratenientes, y a los burgueses y nobles, embaxu’l miedu de qu’el socialismu, la república popular diba quitales las tierras, col tiempu, quienes realmente están acabando cola propiedá privada ye estos mesmos capitalistas monopolistas qu’arroñaron y siguen arroñando a los campusinos: ganaderos y agricultores, trabayadores de la tierra.
Forzáronlos y fuérzanlos emigrar, aborrecer la sua cultura milenaria rural, las suas aldeas, amampar las suas tierras en llabrau, aburrunar la casa de los sous padres pa acabar nas ciudaes. La perda de la tierra.
Tol patrimoniu familiar, social del puebru cayéndose.
Los campusinos pierden las tierras, los sous fiyos abuchan la tierra y las tierras, y tolas suas sapiencias tradicionales.
Despóbranse las aldeas, muerren.
Pa seguir con esto más y más, dende la capital deciden anegar, criar embalses, arrasar con todu lo que seya, pa meter l’AVE, etc.
Mientras qu’un nun puede nin podar una ancina ensin permisu, ellos acaban con cientos de carbayos centenarios. Tolo que seya al serviciu del gran capital, el monopoliu y las suas corporaciones.
D’esti xeitu, ven los habitantes d’Aciberos cumo los de las preferentes, y cumo d’outros puebros; cumo la Guardia Civil, los xulgaos y los xueces, ADIF, la Xunta, la Deputación y Ayuntamientos, tol Estau está sólo al serviciu de la propiedá privada d’unos poucos, los capitalistas, cadaunu con una escusa diferiente.
D’esta maneira, podemos trasladar el refrán siguiente:
-Si matas a una persona, sos un asesinu.
Si matas a miles, sos un héroe de guerra.
Asina quedaría:
-Si sos un pequeño propietariu, naide te defiende, estás aviao.
Si sos un capitalista, todu va’l tou favor, sos un principiador esitosu.

Comentários

Mensagens populares