MERCENARIOS DEL PARTÍU, LA CRASE PARTIDISTA

Paramio -Senabria-

Va unos días, que’l Excmo. Sr. Alcalde de Trabazos, entrevistóse con outros alcaldes col Delegau Territorial de la Xunta de Castiella y Llión, sobre la custión de las urxencias sanitarias nos centros de salú del mediu rural.

Na entrevista que le ficieron en Radiu Zamora, nun fizou namás que defender al sou patrón que yera PP, y el sou superior el Delegau de Territorial, pos queidóu más anchu que llargu, diciendo que diba ser respetau las urxencias y l’asistencia sanitaria na comarca d’Aliste, cola buena calidá d’hasta agora.

Nel momentu de la verdadera pescuda, que yera cumo diba facer el SACYL pa dar esti serviciu rural sanitariu, cuando diban quitar varios puestos de personal sanitariu, entre médicos y enfermeras.

El Sr. Alcalde, dicía que nun le importaba, que nun yera de la sua competencia, colo que demostróu daqué qué ya sabíamos, qu’estos políticos nun sirven al puebru que les vota, sinon a los sous amos, a los cargos del partíu pol qu’están ehí, na poltrona. Anque seya d’un puebru abandonau, ensin trabayu, nin servicios, nin futuru pa vivir.

Sicasi, tamién ellos tendrán mucha responsabilidá.

Ellos saben quiénes son los que mandan, quiénes realmente los asientan ellí, nun porque les voten sinon porque esto ye una partidocracia, nun ye una democracia, nun nos representan.

Está craru qu’ante un mediu rural morribundu de xenti rapaza y moza por falta de trabayu, con tanta pobración anciana, con una cultura del caciquismu y el servilismu, una estructura capitalista de pequeiña producción, ye dicir pequeñu burguesa; sobriza esta crase partidista d’actuación fascista. 

Son la voz del SOU AMU.