LA VUELTA A L'ALDEA

Gústanos mantener las nuesas tradiciones.

Ye un xeitu d’honrar a los nuesos antepasaos.

Pero la tradición

nun ye facer lo que ficieron nuesos agüelos,

sinon facer lo que nuesos agüelos facerían huei.

Carlos H Peñafort de Oro.

Medicu Veterinariu.

Paramio. Senabria

EN TIEMPU DE CRISIS.

LO RURAL CUMO ALTERNATIVA.

Agora que la crisis está firiendo cadavé más, hai personas que mira a la casa de sous padres, a l’aldea onde puede amayadase, y buscar un nuevu caminu.

Esta xente, fácilmente afuyiran d’elli, en cuantis pueda, cuando vean outra salida llaboral, ante’l vacíu del mediu rural.

Outra, sigue’l caminu de los hippies, estos buscan atopar una naturaleza cariñosa, vivir con pouco, y cuidan que necesitando pouco, tampouco precisan de trabayar muchu. Muchas veces aíslanse de los vecinos, estos últimos, son los qu’aguantaron las oleadas d’emigración, y tiene asumíu muchos de los vicios y la cultura urbana, están aculturizaos, nun valoran lo que los mayores tienen deprendíu, nin quieren deprendelu, nin buscan momentos pa que estos amuestren tola sua conocencia rural, agrícola, ganadera, tradicional, patrimonio llingüisticu, etc.

Realmente, viven nun puebru, con aspiraciones esperpénticas d’estilu urbanita, y mandonguían el mediu rural cumo un caprichu, ensin respetu. Cumo si fuera unos d’esos señoritos que d’aquella diban colos caballos, chuleando, esbarrando.

Pero volviendo a los neorurales hippies que citábamos enantes. Pescudan que viven desaparaos, que son autosuficientes, que nun necesitan del mundu, que allos nun les afecta la crisis, y tolos sous estrozos en derechos sociales.

Pero qué piensan que por cultivar un güertu ecoloxicu, son independientes, y ellos nun necesitan de una sanidá púbrica y universal, porque están deprendiendo usar prantas medicinales, ¿pero con estas, van ser capaces de evitar operaciones y cirugías necesarias?

Tamién asina outros asuntos, cumo quieren tener tamién ciertas comodidaes, cumo un coche del que puedan desplazase, incrusu interné, teléfono portátil pa nun estar totalmente incomunicaos colas familias qu’están llonxe.

Pero todu esto, páganse con perras, y necesitan trabayos que se las dén, pos la venta de produtos agrícolas están mui mal valoraos, nin remuneraos, y los consumidores que quieren estos alimentos están llonxe.

Colo que tienen que trabayar n’outros sectores, onde puedan ganar la xoira, pero cadavé con peores condiciones.

Entuences, craru que les afectan la reformas llaborales antiobreiras que se dictan dende la capital.

Y asina más cousas, cumo’l sistema educativu, los servicios sociales, las ayudas familiares, subsidios etc. Ye dicir, derechos de los trabayadores conquistaos con sangre y fueu.

Porque dalgo hai que tener craru, la opresión de la crase burguesa monopolista financiera que domina’l nuesu sistema estiéndese, y nun hai fronteras, nin rayas que las aquede.

Y estos neorurales tienen que tomar partíu activu, y nun pensar que cumo este mundu ye una mierda, hai qu’afuyir.

Y qu’ellos si naide les diú nada, ellos nada tien que devolver nin agradecer a la sociedá.