LA GRAN MENTIRA DE LA BATALLA DE PELEAGONZALO ou que tamién se llama de TORO.



Toro
Ayer 02 de marzu de 2013, nel periodicu La Opinión de Zamora, sacú la noticia sobre la conmemoración de la Batalla de Toro, nel que s’alteraba la historia, engalucha al puebru na historia.

Nesos años, a la muerte del Rei, había duas posibres reinas, en griesca pola corona de Castilla, Isabel y la fiya del Rei difuntu, Juana.

Cada una estaba sobrizada por reyes diferientes, Isabel pol Rei de Aragón, Fernando. Y Juana pol rei de Portugal, Alfonso.

Colo que, está craru que los dous reyes yeran fulasteros d’esta Corona, y dambos invadieron esta Corona pa lluchar a favor de la sua consorte, y el poder que le otorgaría cumo rei tamién consorte.

En nengún momento ye verdá lo que da suponer el Periodicu, de que el rei Portugués invadiú Castilla, pos fizo lo mesmu el rei Aragonés.

Pos dambos, nengunu yera oriundu de Castiella.

Toro
Tamién ye totalmente trusgo, que con esta batalla se criase España, pos a la muerte de Isabel, el rei Fernando, nun heredú, sinon la sua fiya Juana, y el rei Fernando siguiú reinando la Corona de Aragón.

Pos amás, el caminu de criación del Estau español on tardará muchu más, depués de muchos años, mas bien, a finales del sieglu XIX, cola anulación de fueros y el fomentu de la conciencia española por parte de la alministración borbónica madrilana, cuando se perdieron las colonias de ultramar.

Una vé más, la prensa burguesa españolista lería por intereses partidistas la trapallada de la fundación d’España. Seguramente a mala conciencia.

Nun ye lo peor, qu’esti periodicu yá conocíu pol sou panfletarismu, diga estas cousas. Sinon,qu’ el maestru FRANCISCO IGLESIAS CARREÑO, que anque nun seya historiador, colo sous estudios, debería apurriase más n’estudiar la realidá socioeconómica d’esi momentu y nun deixase llevar pola historiografía romántica nacionalista-españolista.

Los sous artículos sobre la batalla, amuestran una vé más qu’el sou llionesismu murriú, y está fuera de las necesidaes d’un puebru, cumo fui entoncias, aquella. Yá qu’esta guerra nunca sirviú pal bienestar de las crases campusinas y trabayadoras  del reinu del Llión, y si pa los intereses de quienes la enviscaron (Juana i Isabel) y las Coronas vecinas que l’abondonaban cumo, Portugal, Aragón y Francia.

Comentários

Anónimo disse…
Gracias por todu

Mensagens populares