sexta-feira, 29 de março de 2013

UNA CUITADA GRIESCA PROLETARIA.



Si sigues el tema económicu, apercataráste que la cousa estáse enrevesando cadavé más y más, poniéndose todu más difícil pa los trabayadores, creciendo más y más la deuda illexítima pa todos, por culpa d’unos bancos y unos políticos al serviciu del imperiu finacieru.
Equí la llucha obreira ye mui engarrida, nun tantu porque nun haiga obreiros, craramente hai más col tiempu, la pequeiña producción de bienes y servicios n’autoempleu está trasfulgándose, anque nos tiempos del borbollete financieru i inmobiliariu pareciese qu’aumentaba.
Agora que se parla y se parla, y namá s’espepitia d’entamar y d’empuntiar entamadores por parte de los burócratas -siervos financieros– partidistas, ye cuando nun se véi, nin casi se puede tener esti amañu.
La presión política y sindical de la crase trabayadora tradicionalmente estaba nel campu colo ensin tierra, ou cola pouca industria qu’había. Agora, ya nun hai campusinos casi ensin tierra, todos emigraron mayormente a tierras con industria, con futuru.
Los campusinos de pequeiña producción, aliáronse pricipalmente  ou nun se opusieron a los golpistas y los caciques rurales.
Campusinos, cada vez queidan menos, ensin apenas resistencia van morriendu cumo colectivu.
La emigración sigue siendo mui fuerte y mui dura, l’enveyecimientu de la pobración ye cada vé mayor, cumo en tolas aldeas.
Equí pasa cumo nel interior de Galicia, Pertual, esto aseméyase totalmente.
Asina cuando dalguién se queida trabayar ou búscase la vida nel autoempleu, ou ye mui difícil vivir, l’outro amañu sería ser funcionariu, pero eso nun quier dicir que consigua unu el puestu y pueda unu volver.
On asina, hai mucha pobración d’empleu púbricu, pero craramente nun son exemplu de llucha obreira, nunca lo fueron, siempre participaron drento de la aristocracia obreira, anque estuvieran más fame qu’un maestru rural. Pos el sou propiu ser, ye ser cornal de tresmisión de las órdenes d’esti Estau.
Cuidarás qu’el sindicalismu ye mui cuitadicu y mui trasgaos a los sindicatos del sistema, tantu agrarios cumo urbanos.

DOCTRINA PAROT ASESINA

El Castiellu. Zamora




Sobre la doctrina Parot, por mui ilegal que seya, y que lo declaren cumo tal. Va ser mui difícil que saquen a los presos fácilmente, pos allargarán todo muchu y muchu más, tagayando los casos cumo si fueran particulares, metiéndolos todo y a todos, más y más, na burocracia y nun mundu xudicial, nel que habrá presos que se llamberan tola condena esbravada i ilexitima, si ou si.

ESTÁ FACIÉNDOLES LA PASCUA.



Catedral Zamora

Equí está lloviendo con tolas ganas, asína que la semana santa estáse chingando a estos fascistas, parez que Dious a veces acúerdase de los trabayadores que nun queremos nin ver estas manifestaciones nacional-católicas que s’inventaron na sua mayor parte drento del franquismu, y la outra parte naciú na contrarreforma catolicista, anque debió ya esistir daqué enantes, pero d’un xeitu nun tan formal, cumo fízolu’l Conciliu de Trento.
Poro, cuando triunfóu la guerra resultada del golpismu del 36, lo primeiru que fizu fueron sacar los cristos a la caleya.
Especialmente, criaron porcisiones con símbolos fascistas nos barrios obreiros onde hubo más represión y muertes. Asina sigue siendo, pa escarmu de tolos que sofrieron, las fiyos y los nietos de los represaliaos.

quarta-feira, 27 de março de 2013

LA MARCHA A TOPAS.


El Castiellu -Zamora-

LA MARCHA A TOPAS.

Un añu más, la marcha a Topas, a la Macrocárcel de la Tortura y los malos tratos, repitióse outra vé, denunciando con un mensaxe craru: “Los ricos nunca entran, los pobres nunca salen”

Asina, demostramos que mientras a los trabayadores y los fiyos atartallannos, los capitalistas y tolos sous burócratas armaos nunca los meten.

Outra frase bien bonita, y que se repetía ye: Abaxu los murios de las prisiones.

Y con tola razón, pos nunca solucionan los problemas sociales, sinon que los enquistan, enférmalos, y vuelven a la sociedá en peores condiciones. Amás, sabiendo cumo se sabe que la mayor parte de los delitos son por causa de la droga, colo que la mayor parte del problema se solucionaría con alternativas de reinserción y curación.

Tamién, amostróse bien craramente cumo proceden las fuerzas represivas d’esti Estau burgués monarcofascista, cumo maromos, bafaleras, fanchaos y farotos. Tan implaos y fitos qu’abusivamente paralizaban el tráficu a tolos familiares y amigos que querían visitar a los familiares y amigos encarcelaos, arrebuscando nos coches y na documentación de cada unu.

Ante esto, siempre hai presos qu’aparte del delitu que houbieran feichu, que prácticamente nunca ye de sangre, sinon por drogas, nun se adaman, y están en griesca col sistema penitenciariu, porque los maltratan, allonxándolos de los sous familiares y amigos a distancia de cientos de kilómetros.

Métenlos n’aislamientu cumo si fueran peligrosos delincuentes.

Pero ellos nun se cimbrian, especialmente de quién falou, d’un presu senciellu, que nun tien aspiración política nin mucha ideoloxía, pero si tien sabe cuáles son los sous dereichos sociales, que nun quier perder cumo persona, anque estéi na cárcel. Llámase Jose Manuel Martínez Rodríguez “Gorri”, cumo quier que se le llame, por mote familiar. Un gallegu de Pontevedra que nun puede ver a la sua familia, pos están mui llonxe; agora está en Palencia, na Prisión de La Moraleja –Dueñas-

A todos, invítovos a escribile. Quier conocer xenti que le sobrize y le amuestre’l mundu d’outru xeitu, pa poder vivir con más ánimu a pesar de la esclusión que sofre, y que cuando salga de la cárcel pueda ver salida depués de más de 20 años entre rexas.