LAS ALTERNATIVAS D’ANGUAÑU AL CAPITALISMU.
San Juan de la Cuesta |
Hai una tendencia creciente a reunise la xente pa planiar
actividades socioeconómicas que seyan distintas al capitalismu que nos devora.
Estas esperiencias están dando muchas ilusiones a mucha xente,
pos ven qu’están atrayendo a muchos rapaces y non tan rapaces, que nos
axuntamos pa falar y falar, y asina actuar, depués de conocer, discutir y ante
todu venos.
Estos conceyos falan de criar asociaciones que tengan una
moneda social diferiente’l EURO, una moneda que sirva a todos pa apañar
servicios y bienes beneficiosos pa la asociación y pa la nuesa vida cotidiana.
Esta moneda nun plantia ser, un bien ensí mesmu, sinon sólu un mediu pa que
todu’l mundo pueda sentise útil en ofrecer y demandar servicios y mercancías.
Nun debe servir, nin se cuida que sirva pa ser acumulau nin pa la especulación,
y asína cumo consecuencia’l arriquecimientu.
Ye daqué ilusionante. Pos todu esto, popularizase cadavé
más, ensin gran esfuerzu aparente.
Pero nun debemos llevanos a emburrios, pos cuidan dellas
personas que todu esto ye alternativa social, incrusu revolucionariu y
tresformador.
Nada más, allonxau de la realidá. Todu esto, ayuda a conocenos,
deprender unos d’outros. Y ver asina los problemas d’esta sociedá. Pero de
nengun xeitu, puedese pescudar qu’el Estau nos va deixar crecer y crecer, y
supongamos un perigru pa la sua economía.
Amás, estas que se llaman Cooperativas integrales, Bancos
del tiempu, grupos de consumu y producción etc., nun pueden llegar a tolos
trabayadores nin a tolas facetas y necesidaes de la sociedá, pos los recursos más
primarios están en manos de las multinacionales, están en rexime de
monopolismu, cumo la electricidá, los comustibles, los medios de comunicación,
etc. y todu esto furrula con capital.
Cuidar que todu esto, llibera a la sociedá, ye irreal pos
nun cria más qu’una ilusión, na que muchos pueden tapase con esto, arrefucise
del calor de la cooperativa y acomodase. Y non lluchar nas caleyas escontra la
inxusticia.
Estas formas llegales de trabayar en cooperación, nun son
más que sociedaes mercantiles que en sobrizu mutuo arrebuscan un bien particular.
Nun pueden ser sustitutivu de los derechos sociales.
Comentários