NUN HAI TREGUA.

Va poucos días, entoñaron los restos de represaliaos y asesinaos que se alcontraban nuna fueca común, depués de ser fusilaos, pola ferramienta más fascista de la burguesía, entíendase, los cuerpos represivos y golpistas del Estau, na fecha de 1936.

Yerán ciudadanos pertenecientes a la clase trabayadora del mediu rural, yeran campusinos, tenderos, profesionales que se buscaban la vida pa poder subsistir, nun mediu desfavorable, con una ideoloxía popular abondo conservadora y de pequeñu propietariu.

Vivían en Benavente, y matáronlos cuando los sacaron de la cárcel de La Puebla, en Senabria.

Desentumbiáralos d’una cuneta, pa llevalos al sou puebru y asina deitar los sous güesos xuntos, nun ciminteriu púbricu, ensin vergoña, y con arguyu de ser socialistas, republicanos, que pescudaron ameyorar esta sociedá. Asina, los familiares y tol mundu pueden lloralos, llembralos ensin amonase, comu tuvieron que facer muchos años.

Dalgu que nun pueden nin facer los conceyales del Partidu Popular, del Conceyu, que nun se presentaron nin por vergoña.

Por esto y por más, nun debemos esqueicer el sacrificiu, de muchos obreros del nuesu Pais Llionés, como los d’outros puebros, pola llibertá, la igualdá y la xusticia. Y debemos seguir con esta llucha hasta la final.